သုတနည်းပညာသင်တန်း

သုတနည်းပညာသင်တန်းမှာဆိုရင်ပထမနှစ်သင်တန်းမှာကွန်ပျူတာစနစ်တကျအသုံးပြုခြင်း နှင့်ကွန်ပျူတာပြုပြင်ထိန်းသိမ်းခြင်းဘာသာရပ်တွေသင်ကြားရမှာဖြစ်ပြီး ဒုတိယနှစ်သင်တန်း မှာကွန်ပျူတာအဆင်မြင့်အသုံးပြုခြင်းနှင့်အင်တာနက်ကွန်ယက်တည်ဆောက်ခြင်းဘာသာ ရပ်တွေသင်ကြားရမှာဖြစ်ပါတယ်။ (၃)နှစ်တာပညာသင်နှစ်ပြီးဆုံးသည်နှင့်တပြိုင်နက် DTPလုပ်ငန်း၊ကွန်ပျူတာပြုပြင်ထိန်းသိမ်းခြင်း၊ဓါတ်ပုံ/ဗီဒီယိုလုပ်ငန်းအင်တာနက် ချိတ်ဆက်သည့်လုပ်ငန်းအစရှိသည့်လုပ်ငန်းခွင်များမှာဝင်ရောက်လုပ်ကိုင်နိုင်မှာဖြစ်ပါတယ်။ တတိယနှစ်စာမေးပွဲကိုထူးချွန်စွာအောင်မြင်ပါကအစိုးရစက်မှုလက်မှုသိပ္ပံကျောင်းများ တွင်တဆင့်မြင့်ပညာများကိုဆက်လက်သင်ယူနိုင်မှာဖြစ်ပါတယ်။

အတန်းချိန်

တစ်ပတ် လျှင် ၃၅ နာရီ၊ တစ်နှစ် လျှင် ရက်သတ္တပတ် (၃၀)

အကဲဖြတ်ခြင်း နည်းလမ်းများ

 လက်တွေ့ စာမေးပွဲများ၊ ပညာသင်ကာလစာမေးပွဲများ၊  လက်တွေ့ လုပ်ငန်း ဆောင်ရွက်ခြင်းများ နှင့် အလုပ်ရုံများသို့  လက်တွေ့ ကွင်းဆင်း လေ့ကျင့်ခြင်းများ။

အဆင့်သတ်မှတ်ချက်စနစ်

• ၈၁-၁၀၀ အဆင့်“ က”
• ၆၁-၈၀ အဆင့်“ ခ”
• ၀-၆၀ အဆင့်“ ဂ”

ဝင်ခွင့်ပြုချက်၊ လိုအပ်ချက်အသေးစိတ်

(၁)      အခြေခံပညာအလယ်တန်း(အဌမတန်း) အောင်မြင်သူဖြစ်ရမည်။

(၂)      နည်းပညာနှင့်သက်မွေးလုပ်ငန်းသဘောနှင့် လိုက်လျောညီထွေဖြစ်ရမည့်အပြင် ကျန်းမာရေး ကောင်းမွန်သူဖြစ်ပြီး လက်တွေ့လုပ်ငန်းနှင့် စက်ရုံ/ကုမ္ပဏီများသို့ ကွင်းဆင်းဆောင်ရွက်နိုင်သူ ဖြစ်ရမည်။

ဝင်ခွင့်လျှောက်ထားရန် လိုအပ်ချက်များ

          (၁)      အဌမတန်း အောင်မြင်ကြောင်း ထောက်ခံစာ (မူရင်း)

          (၂)      ပြည်သူ့ဆေးရုံမှ ကျန်းမာရေးကောင်းမွန်ကြောင်း ဆေးထောက်ခံစာ (မူရင်း)

          (၃)      အကျင့်စရိတ္တကောင်းမွန်ကြောင်း ရပ်ကွက်ထောက်ခံစာ (မူရင်း)

          (၄)      ပြစ်မှုကင်းရှင်းကြောင်း ရဲစခန်းထောက်ခံစာ (မူရင်း)

          (၅)      အိမ်ထောင်စုဇယား (မိတ္တူ) တိုက်ဆိုင်စစ်ဆေးရန် (မူရင်း) ယူလာရန်

          (၆)      မိဘနှစ်ပါးနှင့် ကျောင်းသား/သူ မှတ်ပုံတင်(မူရင်း/မိတ္တူ) ယူလာရန်

          (၇)      ကာလာလိုင်စင်ဓါတ်ပုံ(၅)ပုံ

ဒီပလိုမာ ရရှိပြီးနောက်အလုပ်အကိုင် အခွင့်အလမ်း

G.T.H.S (IT) ဒီပလိုမာ ရရှိပြီးနောက် အစိုးရဌာနများ၊ ပုဂ္ဂလိကလုပ်ငန်းများတွင် ဝင်ရောက် လုပ်ကိုင်နိုင်ပါသည်။