၂၀၂၃-၂၀၂၄ ခု၊ ပညာသင်နှစ်တွင် ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦစီးဌာန၊ အစိုးရနည်းပညာအထက်တန်းကျောင်း(ကျောက်ဆည်)နှင့် အခြေခံပညာဦးစီးဌာနတို့ ပူးပေါင်းကျင်းပသော အထက်တန်းအဆင့် ကျပန်းစကားပြောပြိုင်ပွဲကို (၁၂.၉.၂၀၂၃)ရက်နေ့ နံနက်(၉)နာရီမှ ညနေ(၄)နာရီအထိ အစိုးရနည်းပညာအထက်တန်းကျောင်း(ကျောက်ဆည်) စုဝေးခန်းမ၌ ကျင်းပပြုလုပ်ခဲ့ပါသည်။ အထက်တန်း အဆင့် ကျပန်းစကားပြောပြိုင်ပွဲကို ကျောက်ဆည်ခရိုင်အတွင်းရှိ အစိုးရ/ပုဂ္ဂလိက ကျောင်းပေါင်း(၂၁) ကျောင်း ပါဝင်ယှဉ်ပြိုင်ခဲ့ကြပြီး ပထမ၊ ဒုတိယ၊ တတိယဆုရရှိသော ကျောင်းသား/သူများအပြင် ပါဝင် ယှဉ် ပြိုင်သော ကျောင်းသား/သူ(၂၁)ဦးတို့အား ဤအခမ်းအနားသို့ တက်ရောက်လာသည့် မြို့နယ်စာရေးဆရာ များအသင်း၊ မြို့နယ်ပညာရေးမှူးရုံး၊ မြို့နယ်လူမှုဝန်ထမ်းရုံးနှင့် နယ်ဘေးအန္တရာယ်ဆိုင်ရာစီမံခန့်ခွဲရေးရုံးမှ တာဝန်ရှိပုဂ္ဂိုလ်များမှ အထူးဆုနှင့် အခြားလက်ဆောင်များကို ဝိုင်းဝန်းအားပေးချီးမြှင့်ခဲ့ကြပါသည်။
အဆိုပါအခမ်းအနားသို့ ဒေါက်တာဥမ္မာကြည်(ခရိုင်ပညာရေးမှူး)၊ ဒေါ်ခင်မာလာ (မြို့နယ်ပညာရေး မှူး ၊တာဝန်ခံ)၊ ဦးကျော်ကျော်မင်း(ဒုတိယ မြို့နယ်အုပ်ချုပ်ရေးမှူး)နှင့်တကွ အခြားမြို့နယ်ဌာနဆိုင်ရာ တာဝန်ခံများ တက်ရောက်အားပေးကြည့်ရှုခဲ့ကြပါသည်။
